Кытайдын Хэнань провинциясынын көкүрөк хирургиясы ооруканасында жүрөгүнө операция жасалган кыргызстандык 10 бала Кыргызстанга кайтып келди. Бул тууралуу Эмгек, социалдык камсыздоо жана миграция министрлиги маалымдады.
Операция “Эне-балага тирек” кайрымдуулук фонду менен Хэнань Сионке ооруканасынын кызматташуусунун алкагында жасалды.
Балдарды “Манас” эл аралык аэропортунан министрлер кабинетинин төрагасынын орун басары Эдил Байсалов, Кытайдын Кыргызстандагы элчиси Ду Дэвэнь, “Эне-балага тирек” кайрымдуулук фондунун өкүлдөрү, медицина кызматкерлери, тууган жана достору тосуп алышты.
Тубаса жүрөк кемтиги бар балдар жакындары жана дарыгерлер, хирургдар тобу менен бирге ушул жылдын март айынын башында Кытайга дарыланууга жөнөтүлгөн.
Биздин Телеграм каналга катталыңыз
