Ысык-Көл районунун жол кыймылынын коопсуздугун камсыздоо бөлүмүнүн кызматкерлери Кара-Ой айылында үйдөн чыккан өрттү өчүрүштү. Бул тууралуу облустук милициядан билдиришти.
Жол милициясынын кызматкерлерине чет элдик туристтер кайрылып, үйдүн чатыры күйүп жатканын билдирген. Кызматкерлер дароо өрт чыккан үйгө барып, тилсиз жоону өчүргөн.
Үйдүн ээси милиция кызматкерлерине ыраазычылык билдирип, иштерине ийгилик каалаган.
