Бишкекте мурдагы аялын чачынан тартып, жерге сүйрөгөн жаран кармалды. Бул тууралуу Ленин райондук милициясынан билдиришти.
Окуя 11-ноябрда болжол менен саат 21:00до балдар аянтчасында болгон. Мурдагы күйөөсү аялды чачынан тартып, жерге сүйрөп, коркуткан.
Аял укук коргоо органдарына арыз жазгандан кийин мурдагы күйөөсү 34 жаштагы А.И. милицияга жеткирилген. Ага Укук бузуулар кодексинин 70-беренеси (үй-бүлөлүк зомбулук) боюнча протокол түзүлүп, Ленин райондук милициянын убактылуу камак жайына камалган.
