Аксы жана Кара-Кулжа райондорунун акимдери алмашты. Бул тууралуу президенттин маалымат кызматы бүгүн, 7-мартта билдирди.
Президенттин жарлыгына ылайык, Жалал-Абад облусунун Аксы районунун акими Замирбек Сыдыков башка ишке өткөндүгүнө байланыштуу ээлеген кызмат ордунан бошотулду. Ал эми аталган райондун акими болуп Максатбек Саргазаков дайындалды.
Ошондой эле Ош облусунун Кара-Кулжа районуну акими Дамир Кулубаев өз арызы боюнча кызматынан бошотулду. Анын ордуна райондун акими болуп Замирбек Сыдыков дайындалды.
