1-14-апрель күндөрү өткөрүлгөн рейдде жүк ташуучу унаалардын айдоочуларына жалпы 3 млн 542 миң сом айып пул салынды. Бул тууралуу Транспорт жана коммуникациялар министрлиги билдирди.
Рейдде жүк ташуунун талаптарынын сакталышы жана ашыкча жүк салып алуу бузуулары текшерилген.
Жалпысынан 34 миң 286 жүк ташуучу унаа текшерилген. Натыйжада тартип бузган айдоочуларга 339 протокол түзүлгөн.
Министрлик рейд 30-апрелге чейин уланарын билдирди.
