Август айында Кыргызстан, Түркия жана Түркмөнстанды байланыштырган жүк ташуучу поезддин алгачкы каттамы ишке ашты. Бул тууралуу аталган каттамдын оператору болгон «Түркмөн транспорттук-логистикалык борбору» ишканасы кабарлады.

Маалыматка ылайык, аталган ишкана Түркиядан түрк вагондорунда келген БУУнун гуманитардык жүктөрүн Түркмөнстандын Этрек темир жол станциясында кабыл алган. Андан кийин аларды КМШнын вагондоруна жүктөп, Кыргызстандын Ош темир жол станциясына жөнөткөн.

Ошондой эле ишкана «Европа – Борбордук Азия» эл аралык транспорттук коридорунун алкагында ири көлөмдөгү транзиттик ташууларды ишке ашырууну улантарын билдирди.