Чүйдүн Байтик айылынан «Ала-Арча» мамлекеттик жаратылыш паркына чейин узундугу 13 чакырымды түзгөн веложолдун курулушу жүрүүдө. Бул тууралуу Транспорт министрлиги маалымат берди.

2025-жылдын жыйынтыгы боюнча веложолдун 4 миң 200 метр аралыгына асфальт төшөлгөн. Учурда жолдун 4 миң 800 метр тилкесинде жер иштери жүргүзүлүүдө. Мекеме курулуш иштери бекитилген графикке ылайык аткарылып жатканын билдирди.

Долбоор аймактын туристтик потенциалын жогорулатууга жана жарандардын эс алуусу үчүн шарттарды түзүүгө багытталган.