Республикалык клиникалык жугуштуу оорулар ооруканасынын маалыматына караганда, Бишкекте курч респиратордук вирустук инфекцияларга (КРВИ) чалдыккандардын саны көбөйүүдө.

Өткөн жумада тез жардам бөлүмүнө 1334 бейтап кайрылган, алардын 26% КРВИ менен ооруган. Ооруканага жалпы 500 бейтап жаткырылып, алардын 42% КРВИ менен ооруган, негизинен балдар. Реанимацияда учурда 6 бейтап жатат, алардын 5и балдар, алардын ичинен 4ү бир жашка чейинки.

Дарыгерлер шаар тургундарын эл көп чогулган жерлерден жана жабык балдар аянтчаларынан алыс болууга, КРВИнын алгачкы белгилери байкалганда үй-бүлөлүк дарыгерге кайрылууга чакырышты.

Эскертүүлөргө ылайык:

• Оорулуу менен байланыш чектелсин, өзгөчө биринчи үч күндө;
• Массалык иш-чараларга барбоо, коомдук транспортту аз колдонуу, бет кап кийүү;
• Жеке гигиена эрежелерин сактоо;
• Организмдин коргонуу күчүн колдоо үчүн жетиштүү тамактануу, көнүгүү жана уктоо;
• Тамеки чегүүнү токтотуу, мурунду туздуу эритме менен чайкоо;
• Балдарды сасык тумоого каршы эмдөөдөн өткөрүү (60–90% коргоо).

Республикалык оорукананын жетекчилиги өз алдынча дарыланбоого, дене таб көтөрүлсө дароо дарыгерге кайрылууга чакырды.