Бишкек шаарынын Белорусская көчөсүндөгү турак үйдүн 10-кабатынан 18 жаштагы кыз секирип, каза болду. Бул тууралуу Октябрь РИИБдин басма сөз кызматы билдирди.

Окуя бүгүн, 28-февралда, саат 08:35 чамасында болгон. Окуя болгон жерге барган укук коргоо кызматкерлери каза болгон жаран 2008-жылы туулган З.К. экендигин аныктаган. Аталган факт катталып, тергөөгө чейинки текшерүү иштери башталды.

“Учурда соттук-медициналык экспертиза дайындалып, тиешелүү тергөө иш-чаралары жүргүзүлүүдө. Окуянын жагдайлары такталууда”,- деп билдирди милиция.