Кыргызстандын Эгемендик күнүнө карата Чолпон-Ата шаарында өткөн көкбөрү боюнча президенттин кубогун Таластын «Ынтымак» командасы утуп алды. Финалда “Ынтымак” Оштун «Достук» командасын 9:2 эсеби менен жеңип, жогорку лиганын чемпиону болду.
Кечээ, 7-ноябрда, жогорку лиганын коло байгеси үчүн болгон беттеште «Сары-Өзөн» командасы «Жаш Күчтү» 9:1 эсеби менен жеңип, үчүнчү орунду камсыздаган.
Ал эми биринчи лиганын баш байгесин «Мурас», экинчи орунду «Ала-Тоо», үчүнчү орунду «Келечек» командасы ээлеген.
Белгилей кетсек, быйыл пандемиядан улам өлкөнүн Эгемендик күнүнө карата өтүүчү ат оюндары боюнча мелдештер өз убагында өтпөй калып, 3-8-ноябрь күндөрү Чолпон-Ата шаарындагы ат майданда көрүүчүлөрсүз өттү.
