Келерки окуу жылынан баштап мектептерде кызыл журналдар болбойт. Мектептер толугу менен электрондук күндөлүккө өтөт. Окуучулар жана ата-энелер бааларды жана катышууну онлайн көрө алышат.

Агартуу министрлиги санариптик платформага өтүүдө негизги көйгөйлөрдүн бири мугалимдердин квалификациясын жогорулатуу экенин белгилейт.

Окуучулардын бардык маалыматтары электрондук жеке делосуна киргизилет.

Министрлик кагаз түрүндө отчет берүүнү да кыскартат. Учурда мугалимдер отчеттун 46 түрүн түзүшү керек. Анын үстүнө бул отчеттор Агартуу министрлигине эле эмес, санэпидстанцияга, Саламаттык сактоо министрлигине, Ички иштер министрлигине жана башка мамлекеттик органдарга да даярдалган. Келечекте мунун баары системада автоматтык түрдө түзүлөт.