Кыргызстандык балбан Акжол Махмудов (грек-рим күрөшү, 77 кг) менен россиялык спортчу Роман Власовдун беттеши Poddubny Wrestling League мелдешинин алкагында өтөт. Бул тууралуу уюштуруучулар билдирди.
Маалым болгондой, беттешти быйыл апрель айында өткөрүү пландалууда. Азырынча мелдеш өтө турган жер белгилүү боло элек.
Белгилүү болгондой, спорт күйөрмандары бул беттешти эки жылдан ашык убакыт күтүүдө. 2021-жылдын аягында спортчулар Бишкекте беттеш өткөрүүнү макулдашып, бирок ал болбой калган.
Акжол Махмудов — Олимпиада оюндарынын күмүш байгесинин ээси, дүйнөнүн бир жана Азиянын эки жолку чемпиону. Ал эми Роман Власов Олимпиаданын эки жолку жеңүүчүсү, дүйнөнүн үч жана Европанын төрт жолку чемпиону болуп саналат.
Биздин Телеграм каналыбызга катталыңыз
