Ош облусунда эки тергөөчү алдамчылык фактысына шектелип жаткан жарандан 3 миң доллар акча талап кылууга шектелип кармалды. Бул тууралуу УКМК билдирди.

Атайын кызматтын маалыматында, Кара-Суу районунун Нариман айылдык милиция бөлүмүнүн О.Г.О. аттуу тергөөчүсү 2024-жылы декабрда алдамчылык кылмышы боюнча тергөөгө чейинки текшерүү иштерин токтотом деп К.у.О. аттуу жарандан 3 миң доллар талап кылган. Алардын ортосунда Араван райондук милициясынын тергөөчүсү С.Н.С. ортомчулук кылган.

Ыкчам иликтөө жүргүзүлүп, аталган тергөөчүлөр 1600 доллар акча алып жаткан жеринен кармалып, тергөө абагына киргизилишкен. Учурда тергөө иштери жүрүп жатат.