Германиянын борбор шаары Берлинде basicolors арт-группасынын сүрөтчүлөрү улуттук кийим кийген кыргыз кызынын муралын жаратышты. Бул тууралуу муралдын жаратуучусу Виктор Цой билдирди.

Анын айтымында, Kyz Power арт-долбоорунун бир бөлүгү болгон мурал Германиядагы эң ири Da Bridge Jam стрит-арт фестивалдарынын алкагында Берлинде ишке ашырылган. Ага Европа боюнча мыкты стрит-артисттер катышкан.

«Kyz Power арт-долбоору тең укуктуулук жана кыз-келиндерге дем берүү жөнүндө гана эмес, бул жолу ал эки өлкөнүн ортосундагы маданий көпүрө болду», — деп билдирди муралдын автору.