Президент Садыр Жапаров Америка Кошмо Штаттарына болгон иш сапарын жыйынтыктап, 25-сентябрда Бишкекке кайтып келди.

Президенттин администрациясы маалымдагандай, мамлекет башчысы БУУнун Башкы ассамблеясынын 80-сессиясынын жогорку деңгээлдеги жумалыгына катышып, бир катар мамлекеттердин лидерлери менен жолугушууларды өткөрдү.

Сапардын алкагында Жапаров:

• Улуу Британия, Австрия, Португалия, Намибия, Габон, Гвинея-Бисау, Тонга сыяктуу өлкөлөрдүн лидерлери менен кызматташтыкты талкуулады;
• АКШ жана Европа өкүлдөрү менен экономикалык жана саясий алакаларды чыңдоо боюнча сүйлөшүүлөрдү жүргүздү;
• БУУнун жалпы дебаттарында Кыргызстанга каршы санкцияларды жоюуга, Афганистандын тоңдурулган активдерин кайтарууга жана Палестинадагы геноцидди токтотууга чакырды;
• Климаттын өзгөрүшүнө каршы күрөшүү жана тынчтыкты орнотуу маселелерине өзгөчө көңүл бурду;
• БУУнун Коопсуздук Кеңешинде Кыргызстан 2027–2028-жылдарга туруктуу эмес мүчөлүккө талапкерлигин расмий жарыялады.