14-апрелде Аламүдүн райондук милицияга 1973-жылы туулган Д.А., арыз менен кайрылган. Ал Ак-Жар конушундагы көчөлөрдүн биринде кимдир бирөөлөр күч колдонуп, отвертка менен коркутууга алып жанындагы 6000 сом өлчөмүндөгү акча каражатын жана айдоочулук күбөлүгүн тартып алганын айтып чара көрүү өтүнүчү менен кайрылган. Бул туурасында Чүй облустук милициядан билдиришти.
Маалыматка караганда, жүргүзүлгөн ыкчам-издөө иш-чараларынын жүрүшүндө 1986-жылы туулган Д.А., жана 1984-жылы туулган О.Ж. бул кылмышты жасаган деген шек менен кармалышкан.
Учурда кылмышка шектүүлөр Бишкек шаардык ички иштер башкы башкармалыгынын убактылуу кармоочу жайына киргизилип, сотко чейинки териштирүүлөр уланууда.
