Бишкек шаардык кеңешинин депутаттары отурган автобустун үстүнө бак кулады. Бул маалыматты Reporter.kg′ге Бишкек шаардык кеңешинен тастыкташты.
Окуя бүгүн, 29-мартта саат 14:00 чамасында Бишкек шаарына Ысык-Көл облусу тараптан кире бериште болгон.
Депутаттар менен кошо да башкалар кызматкерлер Ысык-Көл облусунда үй-бүлөлүк зомбулук темасы боюнча үч күндүк семинарга катышкан. Окуудан кайтып келе жаткан учурда катуу шамалдан улам алардын кичи унаасына бак кулап түшкөн.
Адамдардан эч ким жабыркаган жок, болгону унаа зыянга учурады.
Буга чейин Бишкек мэриясы катуу шамал болоорун айтып, жарандардын сак болууга чакырган.
