Бишкекте 13 жаштагы бала Репин көчөсүндө жайгашкан көп кабаттуу үйдүн терезесинен кулап кетти. Ленин райондук ички иштер башкармалыгынын басма сөз кызматы билдиргендей, билдирүү 102 кызматына 30-июль күнү түшкү саат 11лер чамасында келип түшкөн.

Окуя болгон жерге Ленин райондук милициянын тергөө-ыкчам тобу барган. Алдын ала маалыматтар боюнча, ошол эле күнү күндүзгү саат 10дор чамасында 2009-жылы туулган А.Э., көп кабаттуу үйдүн 8-кабатынын терезесинен кулап кеткен. Алган жаракатынан улам ошол жерден каза болгон.

Бул факт катталып, соттук-медициналык экспертиза дайындалды.

Учурда бул факты боюнча иликтөө иштери жүрүп жатат.