Белгисиз адам Бишкектеги №70 мектептин короосунан окуучунун велосипедин уурдап кеткен. Бул тууралуу Биринчи май райондук милициясынан билдиришти.

Маалым болгондой кечээ, 7-сентябрда Биринчи май райондук милициясына Г.Е. аттуу жаран кайрылып, ошол күнү болжол менен саат 14:40та белгисиз адам Бөкөнбаев көчөсүндө кара түстөгү Pantera үлгүсүндөгү велосипедди уурдап кеткенин билдирген. Велосипеддин баасы 20 миң сом болгон.

Аталган факт Кылмыш кодексинин 205-беренеси (Уурдоо) боюнча каттоого алынган.

Учурда кылмышкерди аныктоо боюнча иштер жүргүзүлүүдө.

Велосипедди уурдаган учур видеого түшүп калган. Видеодогу адамды тааныгандар милицияга кайрылсаңыздар болот.

Бардык жаңылыктар Телеграм каналда