Бишкек шаарында сойкукана уюштурууга шектүүлөр кармалды. Бул тууралуу Биринчи Май РИИБинин басма сөз кызматы билдирди.

Маалыматка караганда, 2-майда кечки саат беште Бишкектин Радищева көчөсүндө сойкукана бар деген маалымат милицияга түшкөн.

Окуя болгон жерге ыкчам-тергөө тобу жөнөп кеткен. Аныкталгандай, көрсөтүлгөн даректе кыздар акы төлөнүүчү интимдик кызмат көрсөтүшкөн. Аталган факты Кылмыш-жаза кодексинин 160-беренеси («Сойкулукка жана бузукулукка көмөктөшүү») менен катталган.

Тергөөчүлөр сойкукананы уюштурууга шектүү катары 1998-жылы туулган Э.Б. жана 2004-жылы туулган Н.к.А.ны аныкташкан. Алар убактылуу кармоочу жайга киргизилип, тергөө жүрүүдө.

Биздин Телеграм каналга катталыңыз