Бишкекте угуусу начар 47 балага кохлеардык имплантация операциясы жасалды. Операция 2023-жылдын декабрь айында Катар фондунун жардамы менен ишке ашырылган. Бул тууралуу Саламаттык сактоо министрлигинен билдиришти.
Маалыматка караганда, бүгүн, 15-январда Бишкекке Кохлеар компаниясынын клиникалык жана техникалык адиси Дмитрий Заика бул балдарга сүйлөө процессорлорун туташтыруу үчүн учуп келди.
Дмитрий Заика ошондой эле кыргызстандык адистерди окутуудан өткөрөт.
“Сүйлөө процессорлору туташтырылгандан тартып балдардын үндөр дүйнөсүнө болгон сапары башталат”, — деп белгилешти ведомстводон.
Биздин Телеграм каналга катталыңыз
