Кыргызстанга жасалма АКШ долларларын жеткирүү каналы аныкталып, бөгөт коюлду. Бул тууралуу Улуттук коопсуздук мамлекеттик комитетинен билдиришти.

Маалыматка караганда, 10-октябрда Бишкекте 5 миң 700 доллар өлчөмүндөгү жасалма банкнотторду сатууга аракет кылган А.С. жана С.У. аттуу кыргыз жарандары кармалган. Алар криптовалюта (электрондук акча) сатып алууну көздөгөндүгү аныкталган.

Бул факт боюнча Кылмыш-жаза кодексинин 233-беренесинин 2-бөлүгүнүн 1-пункту (Акчаны жана баалуу кагаздарды жасалмалоо) боюнча кылмыш иш козголгон.

Учурда кармалгандар УКМКнын убактылуу кармоочу жайына камакка алынган.

[image_carousel source=”media: 159507,159506,159505″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналга катталыңыз