Бишкекте каракчылык кылууга шектелип 24 жаштагы жаран кармалды. Бул тууралуу Октябрь райондук милициясынан билдиришти.
Маалыматка караганда, 4-октябрда милицияга К.Ж. аттуу аял киши кайрылып, ошол эле күнү болжол менен саат 15:05те Медеров көчөсүндө жайгашкан курулуш компаниянын кеңсесине Э. аттуу жаран келип, бычак менен коркутуп, 2 миң доллар жана 96 миң сом (3 миң доллардан ашык акча) акчаны алып кеткенин билдирген.
Аталган фактыга байланыштуу Кылмыш-жаза кодексинин 207-беренеси (каракчылык) боюна кылмыш иши козголгон.
Ыкчам-тергөө иштеринин натыйжасында шектүү катары 24 жаштагы Э.Э. аттуу жаран кармалган. Октябрь райондук соттун чечими менен шектүү №1 тергөө абагына 2 айга камакка алынган.
Учурда иликтөө иштери уланууда.
Биздин Телеграм каналга катталыңыз
