Президент Садыр Жапаров «Элдик курултайды өткөрүү жөнүндө» жарлыкка кол койду. Бул тууралуу президенттин маалымат кызматы билдирди.
Маалыматка караганда, аталган иш-чара «Элдик курултай жөнүндө» конституциялык мыйзамынын негизинде өткөрүлөт. Курултай 2023-жылдын 15-декабрына белгиленди. Быйылкы курултайда 700 киши делегат болот.
Эскерте кетсек, былтыр Элдик курултай президенттин жарлыгынын негизинде өткөрүлгөн. Ал учурда тиешелүү мыйзам кабыл алына элек болчу. «Элдик курултай жөнүндө» конституциялык мыйзам быйыл 29-июнда кабыл алынган.
2022-жылдагы курултай 25-26-ноябрда өтүп, ага жалпы 1 миң 72 делегат катышкан. Элдик курултайды өткөрүүгө 20 млн сомдой акча кеткени кабарланган.
Биздин Телеграм каналга катталыңыз
