Бүгүн, 17-сентябрь саат 21:00го кыргыз-тажик мамлекеттик чек арасынын Ош облусунун Чоң-Алай районундагы жана Баткен облусундагы тилкесинде кырдаал чыңалуу бойдон калууда. Бул тууралуу Чек ара кызматынан билдиришти.
Саат 19:00дө Ош облусунун Чоң-Алай районунун Карамык жерлигиндеги кыргыз чек арачыларынын позицияларын аткылоо токтотулду. Буга чейин аткылоо саат 18:20ларда башталганы кабарланган.
Саат 21:00дө Кыргызстан менен Тажикстандын чек ара ведомстволорунун жетекчилеринин кезектеги жолугушуусун «Гулистон – унаа жолу» (ТР) өткөрмө бекетинде өткөрүү пландаштырылган.
Чек ара кызматы абалды турукташтырууга багытталган иштерди жүргүзүүдө.
Биздин Телеграм каналга катталыңыз
