Борбор калаанын Ленин райондук ички иштер башкармалыгы чөнтөк уурулуктан кантип сактануу керектиги боюнча социалдык ролик даярдады.

«Көптөгөн жарандар, өзгөчө борбордун тургундары чөнтөкчүлөргө туш болушууда. Бирок, кылдат жана этият болсоңуз, уурулардан сактанууга болот”, – деп эсептешет милиция кызматкерлери.

Өзүңүздү чөнтөк ууруларынан коргоо үчүн бир нече эрежелерди сактоо жетиштүү:

1. Шымыңыздын арткы чөнтөгүнө жана күрмөңүздүн каптал чөнтөгүнө баалуу буюмдарды салбаңыз;

2. Баштыктарды (сумка) алдыңызга, көзгө көрүнгөн жерде кармаңыз;

3. Жеке буюмдарыңызды унутпаңыз жана кароосуз калтырбаңыз.