Кыргызстандын министрлер кабинетинин төрагасынын орун басары Эдил Байсалов аткаминерлерди жазадан бошотуу боюнча мыйзамды кабыл алуу эмне үчүн зарыл экенин түшүндүрдү.
Ал белгилегендей, буга чейин министрлер кабинети жарандык, жарандык процесстик жана административдик процесстик кодекстерге өзгөртүүлөрдү киргизүү демилгесин көтөргөн. Алар кабыл алган чечимдери үчүн мамлекеттик кызматкерлерди кылмыш жоопкерчилигинен бошотуу каралган.
«Эгер ката кетирсеңиз, бул кылмыш жазасы эмес. Ал эми уурулук кылса, шалаакылык көрсөтсө же кызмат абалынан кыянаттык менен пайдаланса, бул кылмыш беренелери. Бирок эгер сиз туура эмес чечим кабыл алган болсоңуз, анда милициянын лейтенанттары, майорлору биздин министрлерге, чоң, орто, кичине башчыларга бул үчүн жаза бере албайт. Мындан ары текшере берсек, эл аралык кызматташтык, оорукана, мектеп, жол жок болуп калат. Анткени бул жерде тилекке каршы эл жоопкерчиликти алуудан коркушат» — дейт Эдил Байсалов.
Буга чейин ал мамлекеттик кызматкерлердин ишинин эффективдүүлүгүн төмөндөтүп, маанилүү чечимдер кеч кабыл алынып жаткандыктан, укук коргоо органдары тарабынан кызмат адамдарын негизсиз текшерүүнү токтотууну талап кылган.
