Грек-рим күрөшү боюнча кыргызстандык балбан Нурмухаммед Абдуллаев (60 кг) Египеттеги Ibrahim Moustafa мелдешинин жарым финалына чыкты.
Ал килем үстүнө бүгүн, 23-февралда чыгып, таймашты квалицификациялык раунддан баштады. Биринчи беттешинде ал тажикстандык балбан Асламжон Азизовду 10:1 эсебинде жеңди.
Андан кийин чейрек финалда египеттик Ахмед Багдуда менен күч сынашып, аны 7:4 эсебинде утту.
Эми жарым финалда ал түркиялык Керем Камал менен күрөшөт.
Белгилей кетсек, аталган мелдеш 23-26-февраль күндөрү Александрия шаарында болуп өтөт.
Биздин Телеграм каналга катталыңыз
