Өзгөчө кырдаалдар министрлиги жарандарды коомдо ашыкча дүрбөлөң жаратпоо үчүн кечээ күнү жер титирөө учурунда Бишкекте сирена иштеткен эмес. Бул тууралуу Жогорку Кеңештин жыйынында Өзгөчө кырдаалдар министрлигинин орун басары Азамат Мамбетов билдирди.
Анын айтымында, өлкөдө 274 айгай тутуму бар. Алардын жарымы советтик мезгилден калган, 100го жакыны жаңы типтеги жабдуулар.
«Кыргызстанда калкка маалымат берүү тутуму бар. Бирок биз кечээ жер титирөөдө аны иштеткен жокпуз. Анткени, ал көбүнчө абадан коргоонууга багытталып калган. Элди ашынча дүрбөлөңгө салбайык деп, сиренаны иштеткен жокпуз», — дейт Азамат Мамбетов.
Биздин Телеграм каналга катталыңыз
