Ички иштер министрлиги дагы имаратынын алдына көтөрүлгөн туура эмес тууну түшүрөт. Бул тууралуу Reporter.kg’ге мекеменин маалымат кызматынын жетекчиси Тилек Оторов билдирди.
Анын айтымында, учурда жаңы желекти илүүгө даярдык көрүлүп жатат. Азырынча парламент тарабынан бекитилген үлгүсү ИИМ бериле элек.
Белгилей кетсек, 1-январь күнү Ички иштер министрлигинин имаратынын алдына борбордук аянттагыдай туу илинген. Ал эми Чүй облустук ички иштер башкармалыгы парламент кабыл алган желекти көтөргөн.
Аянттагы байрак бүгүн кайра алмашты.
