Президент Садыр Жапаров Каныбек Досмамбетовду Кыргыз Республикасынын Саламаттык сактоо министри кылып дайындоо жөнүндө Жарлыкка кол койду. Бул тууралуу мамлекет башчынын сайтында кабарланды.

Документке ылайык, ал буга чейин жүктөлгөн министрдин милдетин аткаруучу кызматынан бошотулду.

Эске салсак, буга чейин Reporter.kg бул кызматка УКМК башкармалыгынын мурдагы башчысынын келиши боюнча кырдаалды талдап чыккан. Социалдык ведомствону күч түзүмүнүн кызматкерине ишенип тапшыруу чечими системада тартип орнотуу жана коррупция менен күрөшүү зарылдыгы менен түшүндүрүлгөн.