Казакстандын BIZ BIRGEMIZ QAZAQSTAN кайрымдуулук фонду Кыргызстандын түштүгүндө селден жабыркаган жарандарга 40 тонна гуманитардык жардам жөнөттү. Бул тууралуу ӨКМ билдирди.
Бул фондго жардамдар негизинен казак элинен чогулат. 40 тонна жардамдын ичинде ун, шекер сыяктуу тамак-аш азыктары жана күнүмдүк колдонулуучу гигиеналык каражаттар бар.
Аталган фондду Перизат Кайрат жетектейт.
Гумжардам жүктөлгөн унаалар бүгүн, 19-июлда таң эрте «Ак-Тилек» чек ара өткөрмөсүнөн өтүп, Ош облусун карай жол тартты.
