Кемпир-Абад иши боюнча айыпталган алты адам ачкачылык жарыялады. Бул тууралуу Жаза аткаруу мамлекеттик кызматынан (ЖАМК) 23-августта кабарлашты.
Маалыматка караганда, Кыргызстандын Малайзиядагы мурдагы элчиси Азимбек Бекназаров, саясатчы Жеңишбек Молдокматов, президенттин Талас облусундагы мурдагы ыйгарым укуктуу өкүлү Айбек Бузурманкулов, Коопсуздук кеңешинин мурдагы катчысы Кеңешбек Дүйшебаев, активисттер Марат Баязов менен Айданбек Акмаматовдор СИЗО-1де камакта.
Алар сотко берген дооматтарынан улам тамак-аш алуудан баш тартышкан.
“Алардын СИЗО-1 кызматкерлерине эч кандай дооматтары жок. Алардын ден соолугунун абалы канааттандырарлык, абактагылар дарыгерлердин көзөмөлүндө”, — деп айтылат маалыматта.
Биздин Телеграм каналга катталыңыз
