Көзөмөл-кассалык аппараттарды киргизүүнү 2024-жылдын июль айына жылдырылгандан кийин бюджетке пландалган 3-4 миллиард сом түшпөй калат. Бул тууралуу Жогорку Кеңештин жыйынында салык кызматынын төрагасы Алтынбек Абдувапов билдирди.
Ал Мамлекеттик салык кызматы кошумча булактарды издеп жатканын белгиледи.
«Негизи «Аламүдүн» базарында 75 пайыз соодагерлер аппарат коюшкан. Азыр «Дордой» базарында дагы ишкерлер макул болуп олтурушат. Кара-Суу районундагы митингден кийин эле каршы болуп кетишти», — дейт салык кызматынын жетекчиси.
Белгилей кетсек, өткөн аптада өлкө боюнча чакан жана орто бизнестин өкүлдөрүнүн митинги болуп, анда патент системасын калтыруу талабы жана көзөмөл-кассалык аппараттарды орнотууга каршылык айтылды.
Биздин Телеграм каналга катталыңыз
