Кыргызстандын көкпар боюнча курамасы Астанада өтүп жаткан Дүйнөлүк көчмөндөр оюндарынын финалында Казакстандын командасы менен мөөрөй талаша турган болду.
Бүгүн, 11-сентябрда Казакстан Россиянын курамасы менен жарым финалда беттешип, 18:2 эсебинде жеңишке жетип, финалга чыкты.
Ал эми кечээ, 10-сентябрда кыргызстандык улакчылар жарым финалда Түркияны 15:1 эсебинде жеңип, финалга өткөн.
Эми Кыргызстан менен Казакстандын улакчылары финалда кез келет. Беттеш 12-сентябрда Бишкек убактысы боюнча саат 12:00до башталат.
Ал эми коло байге үчүн Россия менен Түркия ат салышат. Алардын оюну саат 11:00до башталат.
