Бишкек уурулукка шектелип эки адам кармалды. Бул тууралуу Ленин райондук милициясынан билдиришти.

Милициянын маалыматы боюнча, 7-сентябрга караган түнү Арча-Бешик конушундагы үйгө белгисиз адамдар кирип, 85 миң сом уурдап кеткен. Бул окуядан кийин үй ээси милицияга арыз жазган.

Аталган факт боюнча “уурулук” беренеси менен кылмыш иши козголгон.

Иликтөө иштеринин натыйжасында шектүү катары 27 жаштагы Н.А. жана 28 жаштагы Т.Б. аттуу жарандар кармалып, убактылуу кармоочу жайга камакка алынган.

Учурда алардын ушул сыяктуу башка фактыларга катыштыгы бар же жоктугу текшерилүүдө.

Иликтөө иштери уланууда.