Ош шаарындагы Б. Сыдыков атындагы Кыргыз-өзбек эл аралык университетинин деканы опузалап пара алууга шектелип кармалды. Бул тууралуу УКМКдан билдиришти.

Атайын кызматтын маалыматы боюнча, аталган окуу жайдын каржы-экономика факультетинин деканы Ш.Ш.О. мамлекеттик экзамендерди тапшырган студенттерден опузалап акча алып жүргөн деп шектелүүдө. Ал 48 саатка убактылуу кармоочу жайга камакка алынган.

Буга чейин ушул эле окуу жайдын гуманитардык-педагогикалык факультетинин деканы У.И.С. жана анын орун басары Д.Д.у. кармалган. Аларга “пара опузалоо” беренеси менен кылмыш иши козголгон.