.svg){kind=logo}
Өкмөт көмүрдү унаа менен сыртка ташып чыгууга алты айга тыюу салдыСадыр Жапаров Пакистандын парламентинин жетекчилери менен жолугуштуБишкектеги Айтматов проспектисинде үч жаңы жер астындагы өтмөк курулатБишкек абанын булганышы боюнча 20-орунду ээледиКыргызстан үчүн деңизге чыгууга жол ачылат. Кыргызстан менен Пакистан дагы кандай документтерге кол койдуСаясат, экономика, энергетика: Жапаров менен Пакистандын премьер-министри кыргыз-пакистан кызматташтыгын талкуулашты
Көзү азиз жөө күлүк Гүлназ Жүзбаева Пара Азия оюндарында коло утту
25.10.2023 | 17:08
Кыргызстандык көзү азиз жөө күлүк Гүлназ Жүзбаева Кытайдын Ханчжоу шаарында өтүп жаткан Пара Азия оюндарында коло байге тагынды. Бул тууралуу Дене тарбия жана спорт департаментинен билдиришти.
Гүлназ Жүзбаева 1,5 чакырым аралыктыга жарышка катышып, бул аралыкты коштоочусу Даниэл Жээнбеков менен 6 мүнөт 31,22 секундда чуркап өткөн. Жыйынтыгында ал коло байгенин ээси болгон.
Эскерте кетсек, Кытайда өтүп жаткан Пара Азия оюндарында учурда Кыргызстандын куржунунда 4 медаль – 1 алтын, 2 күмүш жана 1 коло байге бар. Парадзюдочу Хайитхон Хусан кызы алтын тагынса, көзү азиз жөө күлүк Жалалидин Абдувалиев 2 күмүш медаль, ал эми Гүлназ Жүзбаева коло байге утту.
Биздин Телеграм каналга катталыңыз
