Жалал-Абаддын Ноокен районунда милиция унаасында баңгизат алып жүргөн жаранды кармады. Бул тууралуу облустук милициядан билдиришти.
Маалыматка караганда, 20-октябрга караган түнү болжол менен саат 01:00до Масы айылы аркылуу өткөн Бишкек — Ош жолунун боюнда токтоп турган унаа текшерүү учурунда милиция кызматкерлери баңгизатка окшош зат табышкан. Унаанын айдоочусу 49 жаштагы А.Ю. аттуу Ала-Бука районунун тургуну болгон.
Аталган факт каттоого алынып, Кылмыш-жаза кодексинин 283-бересини (Баңгизат каражаттарын, психотроптук заттарды же алардын окшошторун мыйзамсыз даярдоо, сатып алуу, сактоо, ташуу же жөнөтүү, ири өлчөмдө сатуу максаты жок жасоо) боюнча кылмыш иши козголгон.
Соттук-химиялык экспертизанын корутундусуна ылайык, табылып алынган заттар салмагы 782 грамм нашаа жана 57 грамм марихуана болуп чыккан.
Учурда тергөө амалдары жүрүүдө.
Биздин Телеграм каналга катталыңыз
