Сауд Арабиясынын «Аль-Наср» клубунун чабуулчусу Криштиану Роналду Португалиянын улуттук курамасындагы оюндарын аяктаганын жарыялады. Бул тууралуу ал социалдык тармактардагы баракчасына жазды.

«Португалия менин жүрөгүмдө түбөлүккө калат», — деп жазган 41 жаштагы футболчу.

Роналду улуттук курамадагы дебютун 2003-жылдын 20-августунда 18 жашында Казакстанга каршы жолдоштук беттеште (1:0) жасаган. Ал оюн талаасына экинчи таймда алмаштыруудан кийин чыккан.

Жалпысынан ал улуттук кураманын катарында 234 матч өткөрүп, 146 гол киргизген жана 45 голдук пас берген. Роналду курама менен бирге 2016-жылы Европа чемпиону болгон жана УЕФА Улуттар лигасын эки жолу — 2018/2019 жана 2024/2025-жылдардагы сезондордо жеңген.