Бүгүн Чүй облусунун Кемин районунда өлкө тарыхындагы алгачкы ири күн электр станциясынын (КЭС) ачылышы болду. Ишкананы ишке киргизүү аземине президент Садыр Жапаров катышты.

Жаңы энергетикалык объекттин кубаттуулугу 100 мегаватты түзүп, 230 гектар аянтты ээлейт. Долбоор түз чет элдик инвестициялардын эсебинен ишке ашырылды: кытайлык компания станциянын курулушуна 56 миллион АКШ долларын жумшаган.

Белгиленгендей, бул объекттин ишке кириши Кыргызстанда кайра жаралуучу энергия булактарын өнүктүрүүдөгү маанилүү кадам болуп саналат жана республикадагы энергия таңкыстыгын кыскартууга салым кошууга багытталган.