Баткендин Лейлек районунун Катран айылында ичүүчү суу системасын куруу иштери башталды. Бул тууралуу Айыл чарба министрлиги билдирди.

Учурда сууну ар бир үйгө жеткирүү жана коопсуздук стандарттарына жооп берген система түзүү боюнча иш жүрүүдө. Курулуш иштерин 2027-жылдын экинчи кварталында аяктоо пландаштырылган.

Иштер «Климаттын өзгөрүүсүнө туруктуу суу чарба кызматтарын жакшыртуу» долбоорунун алкагында ишке ашууда. Анын натыйжасында айылдын 7 миңден ашуун тургуну таза ичүүчү суу менен камсыз болот.

Мекеме бул иш-чара аймактагы санитардык-гигиеналык абалды жакшыртууга жана оорулардын алдын алууга багытталганын билдирди.