Билим берүү жана илим министрлигинин демилгеси менен он кыргызстандык Түштүк Кореяга дарыланууга барат. Бул тууралуу аталган министрликтин басма сөз кызматы билдирди.
Маалыматка ылайык, бүгүн билим берүү министри Алмазбек Бейшеналиев Кемен университетинин (Корея Республикасы) Донгсан медициналык борборунун өкүлдөрү менен жолугушуп, медициналык билим берүү тармагында кызматташуу маселелерин талкуулады.
Министрлик Кыргыз улуттук университети менен Кемен университетинин ортосундагы кызматташуу боюнча меморандумдун алкагында Дунсан медициналык борборунун дарыгерлери Кыргыз Республикасына жөнөтүлгөнүн белгиледи. Алар тубаса жүрөк кемтиги, тубаса сол жак эрин жана таңдай жырыгы бар балдарды жана аялдарды текшеришти.
«Биз университеттин ооруканаларына чоң маани беребиз. Июнь айында өкмөт эки оорукананы ЖОЖдордун карамагына өткөрүп берди: ОшМУ – Ош шаардык ооруканасы жана Кыргыз мамлекеттик медициналык академиясы – Улуттук онкология жана гематология борбору жана Республикалык диагностикалык борбор”, – деди Алмазбек Бейшеналиев.
Донгсан медициналык борборунун Эл аралык кызматташтык департаментинин директору Сонг Дэ Гу өнөктөштүккө, билим берүү программаларына көмөктөшүүгө жана адистерди даярдоону жакшыртууга даяр экендигин билдирди.
