Президент Садыр Жапаров 2025-жылдын 8–9-июлунда Тажикстанга мамлекеттик сапар менен барат. Бул тууралуу Президенттин администрациясынын маалымат кызматы кабарлады.

Маалыматка ылайык, сапар Тажикстан Президенти Эмомали Рахмондун чакыруусу боюнча ишке ашууда.

Сапардын алкагында Садыр Жапаровдун Эмомали Рахмон менен эки тараптуу сүйлөшүүлөрү, ошондой эле Тажикстандын парламент спикери жана премьер-министри менен жолугушуусу пландалууда.

Мындан тышкары, бир катар эки тараптуу документтерге кол коюу, кыргыз-тажик экономикалык жана инвестициялык форумун өткөрүү, ошондой эле эки өлкөнүн искусство ишмерлеринин катышуусунда “Түбөлүк достук” аттуу концерт уюштурулары күтүлүүдө.