Борбор Азия мамлекеттеринин президенттеринин Ысык-Көлдө боло турган жолугушуусунун коопсуздугун миңден ашык милиция кызматкерлери камсыздайт. Бул тууралуу ИИМдин Коомдук коопсуздук кызматынын башчысынын орун басары Нурлан Исмаилов маалымат жыйында билдирди.
Белгилей кетсек, 20-21-июлда Чолпон-Ата шаарында Кыргызстан, Казакстан, Тажикстан, Түркмөнстан жана Өзбекстандын мамлекет башчыларынын төртүнчү консультативдик жолугушуусу өтөт.
Жол коопсуздугун камсыздоо боюнча иш-чарага ИИМдин Жол кыймылынын коопсуздугун камсыздоо башкы башкармалыгынын да өздүк курамы толугу менен тартылып, күчөтүлгөн режимде кызмат өтөшөт.
