Бүгүн президенттик администрациянын кызматкерлери “Ак илбирсти колдоо үчүн 23 мүнөт” аттуу экологиялык акцияга катышышты.

Администрациянын маалыматына ылайык, иш-чаранын алкагында алар таза абада сейилдеп, жапайы жаратылыштын символу болгон ак илбирсти сактоо — келечек муун үчүн маанилүү милдет экенин эске салышты.

Белгилей кетсек, буга чейин президент Садыр Жапаров кыргызстандыктарды бүгүнкү күндүн 23 мүнөтүн таза абада сейилдөөгө же дене тарбия көнүгүүлөрүн жасоого арноого чакырган.

Акциянын максаты — жаратылышты коргоо жана ак илбирс сыяктуу сейрек жаныбарлардын жашоо чөйрөсүн сактоо боюнча коомчулуктун көңүлүн буруу болуп саналат.