Юстиция министрлигине караштуу Пробация департаментинин, эсеп жана мониторинг башкармалыгынын башчысы Толубай Джакишев Президенттин Ысык-Көл облусундагы ыйгарым укуктуу өкүлү Алтынбек Сулайманов менен жолугушту. Жолугушуу 19-майда өттү.

Жолугушуунун жүрүшүндө Пробация департаменти менен Ысык-Көл облусунун администрациясынын ортосундагы мамилелерди чыңдоо маселелери талкууланды.

Толубай Жакишев өз кезегинде Ысык-Көл облусунун администрациясына Пробация институтун өнүктүрүүгө кошкон салымы жана Пробация департаментинин Ысык-Көл жана Нарын облустары боюнча Аймак аралык башкармалыгына көрсөткөн колдоосу үчүн ыраазычылык билдирди.

[image_carousel source=”media: 136350,136351,136352,136353″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Маалымат үчүн: Пробация департаментинин Ысык-Көл жана Нарын облустары боюнча аймак аралык башкармалыгына, Ысык-Көл облусунун администрациясы тарабынан кызматтык бөлмөлөр бөлүнгөн.