Ысык-Көл облусунда рейд учурунда мас абалындагы 33 айдоочу кармалды. Бул тууралуу облустук жол кыймылынын коопсуздугун камсыздоо башкармалыгынан билдиришти.

Маалыматка ылайык, жол эрежесин бузган 1243 айдоочуга карата протоколдор түзүлүп, 49 унаа айып жайга киргизилген. 352 айдоочу ылдамдыкты бузган, 21 адам тиешелүү документтери жок унаа айдаган, 78 айдоочу жол белгилерине көңүл бурган эмес, 5 айдоочунун айдоочулук күбөлүгү жок болгон.

Ошондой эле рейддин жүрүшүндө жол эрежесин бузгандыгы үчүн мурда берилген айып пулду төлөбөгөн 18 айдоочу аныкталды.