Ысык-Көл облусунун Тоң райондук Эмгек, социалдык камсыздоо жана миграция башкармалыгынын мурдагы башчысы К.А.К. кармалып, 2 айга камалды. Бул тууралуу УКМК билдирди.

Ал мамлекеттик бюджеттен 1,5 миллион сомдон ашуун акчаны максатсыз пайдаланууга жана уурдоого шектелүүдө.

Чиновник “Социалдык байланыш” чакан ишкерликти өнүктүрүү боюнча мамлекеттик долбоордун алкагында, Тоң районунун беш жашоочусуна бир жолку финансылык жардамды мыйзамсыз алууга шарт түзүп берген.

К.А.К. кызматтык автоунаанын ижарасы жөнүндө жалган документтерди даярдап, иштебеген айдоочуга эмгек акы жана өргүү төлөмдөрү мыйзамсыз эсептеген.