Түштүк Кореянын президенти Юн Сок Ёл жубайы менен Сеулдагы тыгында курман болгондордун мемориалына гүл коюшту.

Ишемби күнү кечинде Хэллоуин майрамы учурунда Итаэвон районундагы тар көчөдө миңдеген адамдар чогулуп, кеминде 154 адам каза болду.
Өлкөдө бир жумалык аза күтүү жарыяланды.

“Биз аларды коргошубуз керек болчу. Мен өзүмдү күнөөлүү сезип жатам, биз бул жаштардын көңүлүн калтырдык“, – дейт мемориалга келген улгайган аял.

“Окуя коопсуздук чаралары көрүлбөгөндүктөн жана полиция элди көзөмөлдөй албагандыктан болду окшойт. Тез арада коопсуздук чараларын күчөтүү керек“, — деди дагы бир кореялык.

• Ишемби күнкү Хэллоуин майрамы коронавирустук чектөөлөр алынгандан кийин уюштурулган биринчи ири иш-чара болду. Итаевонго көп эл чогулганынын себеби ушундан болсо керек. Курман болгондордун арасында кеминде 27 улуттун өкүлдөрү бар. Ошондой эле тепсендиде төрт орус жараны каза болгон.

Биздин Телеграм каналга катталыңыз

Корея: Көчөдөгү тыгылышта 151 адам каза болду. Элчилик жарандарга кайрылды